Mokabat sa kapin kon kulang 30 ka samad dinunggaban sa likod nga bahin ang naangkon sa usa ka babayeng katabang sa balay human gidunggab sa kaubang katabang sa Catimco Compound, Barangay Puntod ning syudad niadtong Sabado.
Biktima mao si Naome Pait Ebanalo, 24 anyos, residente sa Block 4, Puntod ning dakbayan.
Samtang ang suspek kauban rang katabang nga si Jerson Bejek Laihel, 44 anyos, ulitawo ug taga Burgos/ Kalambaguhan ug kasamtangang nagpuyo sa Nagac Compound.
Matud ni Police Master Sergeant Ricky Bagas sa Police Station 5 Macabalan nga posibleng utang nga kwarta ang hinungdan sa pagpangdunggab.
Samtang biktima karon ang naka confine sa pribadong hospital ning dakbayan ug ang suspect detinado karon sa mini cell sa Police Station 5 Macabalan ug posibleng mag-atubang sa kasong ipasaka batok kaniya.
