Davao City – Mireklamo sa Sta. Ana PNP ang usa ka babae human giilad sumala pa nga maka-abroad kini.
Ang nagpatala mao si Lane Espinosa, 32 anyos, minyo ug residente sa may Purok 2 Mangga New Visaya syudad sa Panabo tungod kay matud pa giilad siya sa usa ka Maribeth Estomo, hamtung ang pangidaron ug residente sa may Masea Vill. R. Castillo Agdao ning siyudad sa Davao.
Sumala pa sa report nga kaniadtong bulan sa Oktubre ning tuiga, gipasaligan kuno ni Estomo si Espinosa nga maka-abroad kini partikularminte sa Japan aron didto magtrabaho.
Sa maong pasalig, nakumbinse ang biktima bugti sa kantidad nga 25,000 ka pesos apan human nahatag niya ang kwarta, mitubag pa si Estomo sa mga unang tawag ug text apan milabay ang pipila ka bulan, dili na kuno kini makontak.
Gihatag na ni Espinosa ngadto sa kapulisan ang hulagway sa nangilad niya aron patubagon ug atubangon ang iyang pagpangilad.
RadyoMaN Paul Canono
