General Santos City–Mukabat na sa 886 ka mga reklamo batok sa mga investment group ang nadawat sa NBI-SARDO, kini ang gikumperma ni Regner Peneza, Chief sa NBI SARDO.
Sumala sa nasampit nga ang maong mga investment group nga gireklamo sa mga investors mao ang KAPPA, PPM, ALAMCCO, Shantal, NMC, Golden Barbie, Diamond, Arjess Herbal Products, JS Marketing, Pris CI, My Money Max, Custa, Kings Jaguar, Act Of Charity, Rigen, FX PRO, ug 5-star.
Gihingusgan pa ni Peneza nga dili siya sigurado kung mabalik pa ang mga investment nga kwarta sa mga miyembro sa maong mga investment group mao nga iya nalang giawhag ang uban pa nga magpasang-at nalang ug kaso.
Nasayran nga sa kasamtangan anaa na sa dul-an 2.5 billion pesos ang gina-claim sa mga investors ngadto sa gireklamong investment group.
