General Santos City—nailhan na ang patayng lawas sa usa ka babayeng nakaplagang nasangit sa dakong bato ug mga sagbot sa sapa sa may Silway Kasilak, Barangay West Gensan.
Nasayran nga positibong giila sa pamilya sa biktima ang patayng lawas nga mao si Virgenia Salvan, nga taga silway 8, Polomolok, South Cotabato.
Subay sa pahayag sa bana niini nga sa nakalabayng adlaw, nag away sila sa biktima, nilakaw kini ug wala na makauli sa ilang panimalay.
Ila nalang nabalitaan nga dunay nakaplagang patay sa sapa sa Barangay West kagahapong adlawa hinungdan nga ila dayon kining gisuta.
Positibo usab niining giila ang patayng lawas sa iyang asawa. Sa karon ang patayng lawas sa ginang ang gipahiluna na sa punerarya dinhi sa dakbayan sa Gensan.
Facebook Comments
