Davao City – Mireklamo sa Tugbok PNP ang usa ka babae human kini giputlan og linya sa kuryente sa iyang silingan.
Ang complainant mao si Antonete Torres Bitacura, 41 anyos, dalaga, usa ka mag-uuma nga taga-Purok 4 Twin River Barangay Tugbok ning syudad ug buot niya ireklamo si Bernabe Dimpas alyas Boyax, caretaker sa usa ka negosyante sa ilang lugar.
Gidugang sa complainant nga sa dihang nakuralan na ang luna nga gibantayan ni Boyax apan nasulod sa maong luna ang poste diin atua usab naka konekta ang linya sa ilang kuryente.
Gisulti ni Bitacura, gibabagan ni Boyax ug gitrangkahan matud pa ang planka dayon gipalong kini ug gibutangan og plakard nga ‘No Trespassing’.
Sa maong panghitabo nag kabadkabdad intawon sa kangitngit ang complainant panahon sa kagabhion nga nakahatag sab kaniya ug ka dismaya ug kalisod.
Hinoon ang kaso gi refer una ngadto sa barangay level.
RadyoMaN Paul Canono
