SAGAY CITY, NEGROS OCCIDENTAL – Patay gid ang isa ka 53 anyos nga babayi matapos nga ini siya ang nabungguan sang isa ka dump truck nga nagdulhog nga wala sang driver sa highway sang Purok Acasia sa Brgy. Poblacion 2 ciudad sang Sagay kahapon.
Ang biktima nga dead on arrival sa ospital nakilala kay Salvacion Cantila, residente man sang nasambit nga Lugar.
Base sa imbestigasyon sang traffic investigator sang Sagay City Police Station, ang amo nga drump truck ang gin-park sang wala makilala nga driver sa atubangan sang isa ka bulangan.
Apang ini ang nagdalagan padulhog sa ubos rason nga nabungguan ang biktima.
Wala labot sa babayi nga napatay, nabungguan man sang truck ang balay ni Noli Ausan, isa pa gid ka motorsiklo subong man ang isa ka ido nga napatay man sa amo nga insidente./dyHB BACOLOD
