Pagadian City, Zamboanga del Sur–Payout na, kini ang sadya nga gipahibalo sa Department of Social Welfare and Development (DSWD-9) alang sa mga benepisyaryo sa Pantawid Pamilyang Pilipino Program sa probinsya sa Zamboanga del Sur.
Sa programang “ Straight to the Point” gibutyag ni 4Ps regional Program Coordinator Evangeline Pocquita, gikatakda na ang mga petsa alang sa payout sa mga kalungsuran sa tibuok probinsya.
Gipasabot usab ni Pocquita nga halos lima ka rehiyon sa nasud ang nakatagbo og problema sa kauban tinugyanan sa Landbank hinungdan sa pagkalangan payouts apan nasulbad na kini.
Samtang gisulti usab ni Pocquita nga nakatala ang ilang buhatan og ihap sa mga cashcards nga giprenda gumikan ka kadugay sa payout busa subli silang nagpahimangno nga bawal kini, gani ang pipila ka benepisyaryo ilang gisuspenso sulod sa tulo ka bulan gumikan sa susama nga kalapasan.
Tags; Mel Coroenel, RMN DXPR Pagadian 603, Kenneth Alvin Bustmante
