CAUAYAN, NEGROS OCCIDENTAL – Gilayon nga ginbawian sang kabuhi ang isa ka 28 days old nga baby girl sang ini ang hungod nga ginhakwat sang iya tatay kag ginhulog sa salog.
Nakilala ang tatay kay Jolito Alandroque, 47, pomoloyo sanb Purok 5, Barangay Basak, banwa sang Cauayan.
Sa imbestigasyon sang Cauayan PNP, las 11 sang gab-i, Disyembre 28, nanginit ang amay nga hubog matapos iya nabatian nga pwerte ang hibi sang baby girl rasun nga iya ini ginpalapitan, ginbitin paibabaw kag ginbuy-an derekta sa salog.
Bangod kay mahumok pa ang ulo lawas sang lapsag gilayon nga nadulaan ini sang ginhawa kag napatay.
Detained subong custodial facility sang Cauayan PNP ang namarasmasan nga tatay kag magapangatubang sang kaso nga parricide.
Facebook Comments
