Sundon sang pamunuan sang BACIWA ang ginpapanaog nga Temporary Restraining Order (TRO) sang korte angut sa ila nga joint venture deal sa Prime Water.Sa interview sang DYHB kay Engr. Jenelyn Gemora, Assistant General Manager for Operations sang BACIWA, ginpahayag sini nga sundon man lang sang water district ang 25 dias nga TRO.
Kun wala sang TRO, magasugod na kuntani sa Noviembre 1, 2020 ang pag-assume sang Prime Water sa operasyon sang BACIWA lakip na ang pag-implementar sang mga proyekto nga nakaplano. Humalin pa sang Hulyo, nagsugod ang transition period sang BACIWA padulong sa Prime Water.
Suno kay Gemora, tatlo lang ka empleyado sang Prime Water ang magasulod sa BACIWA lakip na diri ang branch manager, bangud halos tanan nga daan nga empleyado ang gin-absorb. May yara naman sang masobra 80 ka mga empleyado sang BACIWA nga nag-avail sang early retirement sa diin sila ang nagbaton sang 400 percent benefits nga ginhisugtan sa JVA.
Gin-athag naman ni Gemora nga indi gilayon magsaka ang bill sa tubig sa pagtake-over sang Prime Water bangud nga saluon sang kompaniya ang 12% Value Added Tax (VAT) sa una nga tuig sang ila operasyon.
[image: image.png]
