Davao City- Aron pamatud-an nga Numero 1 kini nga sibyahanan sa entero Davao Region, gisakmit karon sa DXDC 621 RMN Davao ang lain na usab nga dakung kadungganan diha sa hilera sa mga radio listenership surveys.
Base sa Nielsen radio survey sa Second Quarter 2017, gigunitan pag-ayo sa RMN Davao ang on-air radio dominance and supremacy sa dihang malampuson niining nakuha ang No. 1 Top Spot pinaagi sa 25.30 % radio audience share.
Anaa sa ikaduhang pwesto ang Radyo Ukay nga nakabaton ug 15.90% audience share samtang nahagbong sa ikatulong dapit ang Bombo Radyo kinsa nakakuha lamang ug 14.40% audience share.
Back-to-back honors
Kahinumdoman nga sayo ning tuiga, malampuson usab nga nakab-ot sa RMN Davao ang dakung garbo ug dungog sa dihang nasakmit niini ang primer pwesto sa Kantar Media Survey, ang Kapisanan ng mga Brodkaster ng Pilipinas (KBP) accredited radio listenership survey sa dihang gilampornas niini ang tanang mga broadcast industry competitors pinaagi sa usaka convincing lead.
Pinaagi niining latest 2017 Nielsen ratings inubanan sa Kantar survey results, mapasalamaton ang entero pwersa sa DXDC 621 RMN Davao ning talagsaong kahigayunan ug pasidungog gikan sa mga avid certified RMN listeners dinhing dapita sa Davao Region.
Kasamang June Duterte
