KABANKALAN CITY – Ginpalupok sang mga nagpakilala mga katapo sang mga ginapatihan rebelding New Peoples Army ukon NPA ang backhoe nga ginapanag-iyahan sang Galecon Construction Inc. sa Sitio Indakpan, Barangay Magballo kagab-i.
Suno sa caretaker sang mga backhoe nga si Purok President Hernanie Domingo sa interview sang dyHB Straight to the Point nga mga pasado alas 10 kagab-i antis nagluntad ang insidente, may tatlo ka mga armado nga mga tawo ang nagpalapit kag naghambal sa iya nga “Tay, magpungko ka anay kay may palukpon kami’.
Dugay dugay may nabatian na sya nga mabaskog nga pagsigabong kadungan sang pag-ibwal sang dako nga kalayo sa diin nasunog na ang backhoe.
Sa iya pagpati dako nga eksplosibo ang gingamit bangod nagtay-og gid ang duta.
Wala man sang mga empleyado sang Galecon Construction ang nahalitan matapos ang insidente sa diin gilayon nga nagbiya ang mga suspetsado matapos nga nahimo na nila ang ila gusto.
Mga ‘Cebuano speaking’ ang amu nga mga armado suno kay Tatay Hernanie.
Samtang padayon pa ang imbestigasyon sang mga kapulisan sang Kabankalan City kon ano ang motibo sang hitabo.
Ang Galecon ang nagaconstruct sang tatay sa diin ang backhoe lang ang ila ginpalupok samtang ang bulldozer ang wala naman nila ginhilabtan.
Posibli magkuwas sa tatlo nga nakit-an, may mga upod pa gid sa palibot.
