Ginpirmahan ni Bacolod City Mayor Evelio Leonardia ang Executive Order No. 15 nga nagatukod sang Bacolod City Animal Welfare Task Force (BACAW-TF).
Tinutuyo sini nga magdihon kag magpatuman sang mga plano kag programa para sa kaayuhan sang mga hinuptanan nga kasapatan.
Igaduso man sang BACAW Task Force ang pag-edukar sa komunidad nga mangin isa ka responsable nga pet owner.
Ang nasambit nga task force ang ginabug-usan man nanday Vice Mayor El Cid Familiaran bilang co-chair; City Veterinarian bilang vice chair kag mga miyembro gikan sa Bacolod City Police Office, City Legal Office, City Health Office, City Engineer’s Office, Public Information Office kag volunteer animal welfare groups nga BACH Project PH kag PAWSsion Project PH.
[image: image.png]
