Nagmando si Bacolod Mayor Bing Leonardia sa City Health Office – CHO nga mag-deploy sang nurses sa Corazon Locsin Montelibano Memorial Regional Hospital (CLMMRH) agud mag-bulig sa medical personnel sang amo nga ospital angot man sa nagapadayon nga pagtaas sang kaso sang dengue.
Suno kay City Health Officer Dr. Ma. Carmela Gensoli nga ang CHO ang maga-assign sang 12 nila ka mga nurses sa regional hospital, bilang sabat sang syudad sang Bacolod sa dengue outbreak.
Ang mga CHO nurses ang maga-report sa CLMMRH sumugod karon nga adlaw – July 29 agud magbulig sa mga biktima sang dengue particular sa pedia section.
Suno kay Mayor Bing, nga apisar manubo ang kaso sang dengue, ikumpara sa iban nga banwa kag syudad sa probinsya apang nagsaka man ang kaso sang dengue sang kapin 60 percent, kon ikumpara sa kaangay nga period nagligad nga tuig.
