BACOLOD CITY – Igasaylo sa ciudad sang Iloilo si Bacolod City Election Officer Atty. Mavil Majarucon-Sia matapos ginmandu sang Commission on Elections ang iya reassignment angut sa palaabuton nga midterm elections.
Si Majarucon-Sia ang pagabuslan sang election officer sang Lapu-Lapu City, Cebu nga si Atty. Ann Janette Lamban.
Samtang ang COMELEC officer naman sang ciudad sang Iloilo nga si Reinier Layson amo ang magabulos kay Atty. Lamban.
Ang reassignment ni Majarucon-Sia maga take effect na sa Lunes, Pebrero 18.
Nahibaluan nga ang reshuffling sang mga election officers sang mga highly urbanized cities ang normal nga ginapatigayon sang Commission on Elections sa tagsa ka ginapatigayon ang election exercises.
Angut sini, ginpahayag ni Majarucon-Sia nga sang nagligad nga semana pa niya nabaton ang amo nga order apang naghingyo ini sang extension bangud may dapat pa ini nga talapuson nga mga aktibidad./dyHB BACOLOD
