NAGPATAWAG sang joint meeting ang Department of Health kag Department of Interior and Local Government angot sa posible ‘post-holiday surge’.
Suno kay Emergency Operation Center – deputy for medical, Dr. Chris Sorongon nga ang ginapa-alerto sang DILG kag DOH ang tanan nga EOCs, LOCAL-IATF kag One Hospital Command Center angot sa posible pagsaka sang kaso sang COVID-19 pagkatapos sang Paskwa kag Bag-ong Tuig.
Dugang pa ni Sorongon nga ginapahanda ang tanan nga ospital sa diin ang 30 percent sang ila bed capacity ang dapat dedicated para sa corona virus disease patients.
Ang Bacolod sa karon ang may 201 ka mga covid-designated beds sa diin 23 porsyento lang diri ang occupied.
Sa sini nga week-end, ipatawag sang EOC ang mga medical directors sang tanan nga ospital sa Bacolod agud nga e-cascade sa ila ang online meeting nga ginpatawag sang DOH kag DILG.
[image: image.png]
