Indi na mag-appeal ang syudad sang Bacolod sang General Community Quarantine pagkatapos sang Mayo 15.
Suno kay Vice Mayor Elcid Familiaran, chairman sang Inter-Agency Task Force against COVID-19 nga ila pagasundon ang resolusyon sang National-IATF nga nagakakas sang Bacolod City sa idalum sang community quarantine.
Paathag ni Familiaran nga mangin business as usual na ang kadam-an sang mga negosyo pero estrikto sagihapon nga iga-observe ang social distancing, ang mandatory nga paggamit sang alcohol sa mga establishment, mandatory nga pagsuksok sang face mask subong man ang estrikto nga pag-observe sang curfew (10 PM – 4 AM).
Samtang, ang Sangguniang Panlungsod ang maga-pasar sang ordinansa agud e-require ang tanan nga maga-suksok sang facemask.
[image: image.png]
