Isa ka Locally Stranded Individual (LSI) kag isa man ka repatriated OFW nga taga-ciudad sang Bacolod ang nag-positibo sa COVID-19 base sa Case Bulletin No. 77 nga ginpagwa sang DOH-6 as of June 11, 2020.
Samtang may tatlo naman ka mga LSI kag 1 ka repatriated OFW halin sa probinsya ang bag-o man nga kaso sang nag-positibo.
Si Bacolod Patient No. 19, isa ka 35 anyos nga lalaki, LSI kag si Bacolod patient No. 20 naman, isa ka 38 anyos nga lalaki, repatriated OFW lunsay ini sila ang naka-facility quarantine sa karon.
Sa bahin sang probinsya, ang tatlo ka mga LSI nga nagpositibo ginalakipan sang 29 anyos nga lalaki nga taga Sagay City, 24-anyos nga babayi sang Talisay City kag 35 anyos nga lalaki taga banwa sang Cauayan subong man ang 40 anyos nga lalaki halin sa Sagay City nga isa naman ka OFW, tanan naka facility quarantine.
Bantayan ang dugang nga detalye kag impormasyon angut sa sining bag-o nga mga kaso.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
