Yara nalang sa 46 ang active cases sang COVID-19 sa syudad sang Bacolod. Base sa real time data sang Emergency Operation Center – EOC nga sa 46 ka mga aktibo nga kaso, kapin sa 19 diri ang mga LSI kag APOR samtang ang nabilin ang mga local cases nga kalabanan mga close contacts.
(NAHIBALU-AN NGA DELAYED ANG REPORTING SANG DOH-REGION 6, BACOLOD WITH 82 ACTIVE CASES BASED ON DOH-WV REGIONAL CASE BULLETIN NO. 275)
Gina-project naman sang EOC nga magalab-ot nalang sa masobra sa 20 ang kaso sang corona virus disease sa Bacolod antis matapos ang tuig bangud man nga isa tubtob sa duha nalang ang average daily case.
Gina-klaro man ni deputy for medical – Dr. Chris Sorongon nga nagapadayon ang COVID-19 testing sang syudad para sa mga close contacts, APORS, pregnant women, mga gina-dialysis kag mga medical frontliners.
[image: image.png]
