Nadugangan sang 182 ang kaso sang coronavirus disease sa Western Visayas.
Base sa Case Bulletin No. 154 sang Department of Health Region 6, nagsaka na sa 4,073 ang total cases sa rehiyon kon sa diin 1,881 ang active cases.
Pinakadamo sa nagdugang ang halin sa ciudad sang Bacolod nga may 93 cases. Ginsundan naman ini sang Iloilo City nga may 45 cases, Negros Occidental nga may 18 cases kag Capiz nga may 14 ka kaso.
Nadugangan man sang anum ang probinsya sang Iloilo, tig-isa sa Guimaras kag Aklan samtang tatlo ang gina-verify pa.
260 naman ang dugang nga recoveries subong nga Biyernes. Nagsaka na sa 2,132 ang kabilugan nga nag-ayo sa balati-an. 67 ang naka-recover sa Bacolod samtang 108 sa Negros Occidental.
Apat naman ang nagdugang sa mga napatay rason nga nagsaka sa 60 ang total reported deaths bangud sa COVID-19. Duha ang napatay sa ciudad sang Iloilo samtang tig-isa sa probinsya sang Iloilo kag ciudad sang Bacolod.
Dugang pa sang DOH Region 6, halos 80% sang mga active cases ang wala sang may ginabatyag nga sintomas.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
