Nadugangan sang isa ka kaso sang COVID-19 ang probinsya sang Negros Occidental samtang 25 naman sa syudad sang Bacolod subong nga Miyerkules, Hulyo 29.
Sa Case Bulletin No. 125 sang Department of Health Western Visayas Center for Health Development.
Sa 25 ka mga kaso sa Bacolod, isa lang diri ang locally stranded individual (LSI) samtang ang 24 ang makabig nga local cases.
Sa probinsya, nadugangan sang isa ka kaso nga taga syudad sang Bago nga local case.
Sa kabilugan may 50 nga dugang nga kaso sang COVID-19 sa Western Visayas. Ang iban nga mga kaso ang nabalhag sa syudad kag probinsya sang Iloilo, Capiz kag Guimaras.
Nadugangan naman sang 22 ang recoveries kag nagdangat na sa kabilogan sa 651 ang total recoveries.
Nagsaka naman sa 17 ang nagkalamatay matapos nakalista sang isa nga dugang nga fatality subong nga adlaw sa rehiyon.
Kapin sa 1,208 na ang total COVID-19 cases sa Western Visayas kag 540 dire ang mga active cases.
[image: image.png]
