Nagpatigayon na sang inventory ang ciudad sang Bacolod sang mga available nga kwarto sa pension houses nga sayluhan sang mga Overseas Filipino Workers (OFW) nga nag-abot sang Abril 28 kag naka-quarantine karun sa Graciano Lopez Jaena Elementary School.
Sa interview sang DYHB kay Bacolod Vice Mayor El Cid Familiaran kag chairman sang Inter-agency Task Force sa ciudad, ginpahayag sini nga posible karun sa gab-i ukon bwas, masaylo na mga OFWs sa pension houses.
Wala na sang available nga hotel rooms sa Bacolod suno sa bise-alkalde bangud nga ginkuha na ini sang mga call center agents para sa ila mga empleyado.
Samtang sa interview man sang DYHB kay Bacolod Lone District Congressman Greg Gasataya, gin-confirm sini nga nag-istoryahanay na sila ni Overseas Workers Welfare Administration (OWWA) Administrator Hans Leo Cacdac kag ginpahayag sang opisyal nga sila na ang mabayad sang accommodation sang mga ginpapauli nga OFWs nga gina-quarantine na karun sa ciudad, kag sa mga maga-inabot pa.
[image: image.png]
