Isolated kag naka-home quarantine na karon si Bacolod Patient No. 14 matapos nga nag-gwa ang resulta sang iya swab test kahapon (May 29) kon diin ini siya ang nag-positibo.
Subong man, gin-seal off na sang sang Inter-Agency Task Force ang portion sang subdivision nga iya gina-istaran sa Brgy. Taculing.
Nakuhaan naman sang swab samples para sa RT PCR test ang mga frontliners sa border checkpoints, quarantine facilities kag iban pa nga naka close contact sa pasyente.
Nahibaluan nga si Patient #14, 36 anyos, anay DepEd nurse, importer/exporters sang essential goods, ang isa sa ginpaidalum sa RT-PCR test matapos sila nagserbisyo sa mga border checkpoints sa Bacolod City sadtong May 22.
May kaangtanan sini, ginpahayag ni Dr. Grace Tan, Spokesperson sang Bacolod IATF nga indi makabig nga local transmission ang kaso ni Patient 14 kag indi pa man mapat-ud kon paano ini nga naka-kuha sang virus.
Samtang, suno naman kay Brgy. Taculing Punong Barangay Lady Gles Gonzales-Pallen, ang pasyente nakalibot sa pila ka lugar sa Negros agud magpamakal sang iya negosyo nga utan kag panakot halin sa Cebu.
[image: image.png]
