Magapabilin sa quarantine facility ang kaupdanan ni Bacolod Patient 15 tubtob nga maguwa ang resulta sang ila nga RT-PCR test.
Sa interview sang DYHB kay Vice Mayor El Cid Familiaran kag chairman sang Inter-Agency Task Force, ginkuha na sa iya gintiniran nga hotel si Patient 15 kag gindala sa Covid-19 center sang ciudad.
Samtang ang iya naman mga kaupdanan ang indi man pagpulion sa ila pamilya tubtob nga indi maguwa ang resulta sang ila nga tests, bisan pa nga natapos na kuntani ang ila mandatory 14-day quarantine kahapon, Mierkoles.
Si Patient 15 ang isa ka nurse sa cruise ship nga naghalin sa Miami, USA nga nagpositibo sa virus, apang pag abot sa Manila ini ang ginkuhaan liwat sang duha ka test kag nag negatibo ang resulta.
Liwat naman ini nag-positibo sa virus matapos nga ginkuhaan sang swab test sa iya pag-abot dire sa syudad sang Bacolod.
[image: image.png]
