May ginatutukan na nga person’s of interest ang Police Station 4 sa natabo nga pagpangawat kag pagluthang sa tagbalay nga Belgian national sa Block 1 Lot 34 Beech Road, Villa Angela, Brgy Villamonte, Bacolod City, mga la-1:50 kaina sang kaagahon.
Ginpahayag sa DYHB ni Police Station 4 commander Police Major Charles Gever, nga base sa modus kag kadumuon sang mga suspek, may natumod na sila nga posible nagsulod kag nagluthang patay sa biktima nga si Carl Nolens, 76-anyos.Indi naman mahambal ni Gever kun organized crime group ang nagsulod sa balay sang biktima.
Santo sa imbestigasyon, nagsulod ang apat ka mga suspek sa balay paagi sa pagguba sang grills sa pader kag nagsaka sa balkunahe sang second floor kag ginwasak ang sliding door. Narekober naman sa crime scene ang empty shells sang long kag short firearms lakip na ang isa ka live ammunition sang short firearm. Sa karun, wala pa sang imbentaryo ang Station 4 kun pila kag anu gid ang nakuha sang mga suspek apang suno kay Gever, may duha ka bag nga missing.
Padayon pa sa karun ang imbestigasyon sang Station 4 sa insidente. Samtang, luwas naman ang asawa sang biktima nga si Liza Marie, bayaw sini kag ila kabulig.
[image: image.png]
