Gin-confirm ni Vice Mayor El Cid Familiaran nga pwede na makapa-swab test ang mga OFWs kag locally stranded inviduals (LSI) nga mga Bacolodnon sa Molecular Laboratory sang provincial government sa Teresita Jalandoni Provincial Hospital sa ciudad sang Silay.
Suno sa Chairman sang Bacolod Inter-Agency Task Force, maayo ini nga balita bangud madasig na ang paguwa sang resulta sang mga test nga magalawig lamang sang 2-3 ka adlaw kun ikumparar sa Western Visayas Medical Center sa ciudad sang Iloilo nga nagalawig sang 10-14 ka adlaw.
Ginpahayag dugang ni Familiaran nga ang PhilHealth kag Department of Health (DOH) ang maga-abaga sang bayad sa patigayunon nga swab testing kag wala na naghatag sang pondo ang city government para diri.
Makabulig man ini sa pag-decongest sang mga quarantine facilities sa Bacolod bangud ang mga ginapaidalom sa test ang gilayon nga papulion kag magatapos sang ila quarantine sa ila balay kun negatibo ang ila resulta, samtang ang maga-positive ang gilayon man nga i-isolate sa mga Covid-19 center sang ciudad.
[image: image.png]
