*Tantangan South Cotabato— Patay ng nakaplagan ang usa ka bading alas 2 pasado ang takna sa kadlawon sa Brgy. Tinungkop, Tantangan South Cotabato.*
*Giila ni Police Capt. Romeo Albano Jr., hepe sa Tantangan PNP ang biktima nga si Ariel Malayon, 31 anyos nga residente sa Brgy. Lampitak, Tampakan. Sumala niya nga postibiong giila sa kabanay ang biktima a lokal nga pnuerarya sa lugar human nga wala kini makapauli sa ilahang panimalay.*
*Dugang pamahayag ni Pol. Capt. Albano nga dihang gisuta ang patay’ng lawas, nasayran nga aduna kini tulo ka mga igo pinusilan sa nagkadaiyang parte sa lawas nga hinungdan sa iyahang kamatayon.*
*Sa karon, padayon matud pa ang ginahimong imbestigasyon sa otoridad sa posibleng motibo sa maong krimen ug ginasuta pa kung sa maong lugar kini gipatay o gibilin lang sa mga suspek.*
*Subay matud pa sa pamahayg sa kabanay niini., wala silay nasayran nga posibleng hinungdan aron nga patyon ang biktima rason nga nangalap pa sila ug posibleng ebidensya o testigo nga makahatag ug dugang impormasyon aron sa pagsulbad sa maong krimen.*
