*General Santos City—*Patay ang usa ka bading human gipusil sa wala mailhing suspetsado sulod mismo sa ilang panimalay sa Phase-A, Habitat, Barangay Mabuhay, Gensan.
Biktima giilang si Reynaldo Fontavilla Estrada, legal age, residenti sa maong lugar. Alas 5:10 ang takna sa hapon kagahapong adlawa samtang anaa sulod sa ilang panimalay ang biktima kalit lang dunay usa ka lalaki nga nag sul-ob ug itom nga t-shirt, maong nga pantalon ug nakataptap ang nawong ang misulod sa ilang panimalay dayon gipusil ang biktima pila ka higayon igo sa nawong nga bahin nga hinungdan sa iyang kamatayon.
Paspas nga misibat ang suspek sakay sa XRM nga motorsiklo palayo sa lugar samtang ang biktima wala na nadala pa sa ospital human nga gibakwian gilayon kini sa iyang kinabuhi.
Sumala pa sa amahan sa biktima nga si Anicito Estrada nga nakuratan nalang sila dihang kalit lang gisipa sa suspek ang ilang pultahan. Gipangutana niini ang biktima kung siya ba si Boyet dihang mitubag ang biktima nga dili siya si Boyet inay siya si Langgit siya gipusil sa suspek pila ka higayon dayon sibat.
Usa sa mga anggulong gitutukan sa kapulisan mao ang personal grudge apan wala sab nila gibaliwala ang ubanpang anggulo sa maong krimen. (Kasamang Dave Silagan)
