Target sang bag-o nga acting manager kag project supervisor sang Central Negros Electric Cooperative (CENECO) nga mapahagan-hagan ang mga power interruptions kag mapanubuan ang systems loss sang electric cooperative.
Ini ang mga plano ni Atty. Dan Pondevilla, matapos ini gin-designate sang National Electrification Administration (NEA) nga pamunuan ang CENECO. Sa interview sang DYHB kay Pondevilla, may mga ginplano ini nga programa agud mapahagan-hagan ang nagaluntad nga mga brownouts kag pagpanubo sang systems loss sa diin iya nakita nga rason diri ang pilferage ukon ang pagpangawat sang kuryente.
Ginpasalig man ni Pondevilla nga mangin transparent ini sa trabaho sa CENECO kag mahapos siya nga palapitan sang mga empleyado kag mangin sang mga member-consumers.Apisar sang iya bag-o nga posisyon sa CENECO, magapabilin sa gihapon nga full-pledged general manager sang Northern Negros Electric Cooperative (NONECO) si Pondevilla.
[image: image.png]
