Ginpresentar sang bag-o na appoint nga City Fire Marshall sang Bacolod City Fire Station (BCFS) sa alkalde sang ciudad ang mga accomplishments sang BCFS.
Ini matapos nga nagpatigayon sang New Year’s call kay Mayor Evelio Leonardia si Chief Inspector Rodel Legaspi, bag-o nga city fire marshal upod kay Inspector Jun Michael Manuel nga amo naman ang bag-o na appoint nga fire marshall kag chief for operations.
Ginpahayag nga ang mga accomplishments sang BCFS nagalakip sang bag-o na-renovate nila sini nga talatapan, bag-o na-activate nga Sub-Fire Station kag augmentation sang dugang nga firefighters.
Lakip pa diri ang nagapadayon karon nga disinfection sang BCFS decontamination team sang mga quarantine facilities sang Bacolod City.
Nahibaluan nga si Legaspi ang sadto na-assign sa Himamaylan City Fire Station samtang ini naman ang pinaka-una nga appointment ni Manuel matapos nag-graduate sa Philippine National Police Academy.
[image: image.png]
