Bag-ong gawas sa City Jail, samaron sa pagpamusil

GENERAL SANTOS CITY- Nagpaalim sa RO Diagan Cooperative Hospital si Roland Calope, legal age, residenti sa Purok Sta.Cruz, Silway, Barangay Dadiangas West ning siyudad Gensan human kining gipusil sa wala pa mailhing suspetado alas 7:00 ang takna sa gabie sa may Purok San Juan, Barangay West, samtang damay usab ang usa ka 10 anyos nga itago lang sa pangalang alias Racid, estudyante ug residenti sa Purok Kulasi, Barangay Labangal, Gensan.

Nigawas sa imbestigasyon sa Pendatun Police Station 1, sakay ang mga biktima sa tricycle dihang kalit lang gitaparan sa duha ka mga suspek nga nakamotorsiklo dayon gipusil.
Si Calope ang nakaangkon ug samad sa iyang wala na bahin sa batiis samtang ang minor de edad nga pasahero ang nakaangkon ug samad sa sampot ug sa walang bahin sa tiil.
Paspas usab nga nakaresponde si Patrolman Michael Anthony Roma diin migukod sa mga suspek og nakig-pinusilay sa mga nahisgutan apan nakasibat ang mga responsable.

Kalambigitan sa iligal na droga ang motibo nga gitan-aw sa pagpamusil kung asa bag-o ra nakagawas sa City Jail ang biktima tungod sa maong kaso.
For more info’s and updates, like and share our official facebook account : www.facebook.com/ifm91.9Gensanofficial/


[image: samdan sa pagpamusil.jpg]

Facebook Comments