Bag-ong hagit ug paglaum

25

Davao City – Ang syudad sa Davao usa na ka premier city sa tibuok Pilipinas tungod kay gihimong modelo sa ubang mga syudad sa gipatumang mga balaud. Sumala ni Davao City Tourism Officer Generose Tecson, tungod sa maayong pagdumala sa mga Duterte nahimong malinawon ang Davao human sa nasinatiang kasamok kaniadto. Dili ikalimod nga dako na og abante ang Davao itandi sa ubang mga syudad una sa iyang kalamboan base sa mga naangkon nga pasidungog. Matud ni Tecson, ang nakaayo pud niini tungod kay maayo ang koordinasyon sa mga opisyales sa syudad ingon man sa katawhan. Tungod niini nga mga kaayohan nga naangkon sa Davao mausab na ang tan-aw sa katawhan nga ang Mindanao lakip na ang Davao dili samok sukwahi sa pagtoo kaniadto. Sa pikas bahin, gisulti sa tigpamaba sa Araw ng Davao Orly Escarilla, ang mga nasinatiang kaayohan sa Davao nagdala og paglaum tungod kay daghan pang mga kalamboan ang masinatian sa syudad sa mosunod nga katuigan. RadyoMaN Bernard Pantallon tags: dxdc 621 davao

Facebook Comments