Davao Pioneers

12

Davao City – Nahitabo ang first invasion sa Imperial Japanese Army sa Batan Island sa December 8, 1941 ug gisunod pagsulod ang mga lugar sa Vigan, Aparri, ug Legaspi sa Luzon area. December 19, 1941, gipalapdan pa sa mga Hapon ang ilang invasion sa nasud human ilang gisunod pag-sulod ang mga lugar sa Davao, Zamboanga ug Sulu Archipelago. Nagtukod og base militar ang Imperial Japanese Army sa mao nga mga lugar isip pagpangandam sa ilang sunod nga invasion sa mga nasud sa British North Borneo ug sa Dutch Indies. Apan sa wala miulbo ang ikaduhang gubat sa kalibutan ang Davao City sentro sa economic activity ug paboritong puy-an sa mga Japanese Citizens niadtong panahona. Suma ni Winnie Galay, Museo Dabawenyo Acting Administrative Officer nga sukad niadto layo na kaayo ang naabot nga kalamboan sa dakbayan ubos sa kanhi mayor nga si President Rodrigo Duterte. Human sa World War II, usa ka langyaw’ng tigpatigayon ang nag-imbitar sa pipila ka mga negosyante sa Luzon nga muari sa Mindanao partikular sa Davao aron magnegosyo. Pipila sa mga promininteng pamilya maoy unang nag-migrate dinhi sa Davao sama sa pamilyang Garcia, Tiongko, Suazo, Palma Gil, Villa Abrille, ug uban pa. Suma ni Galay, ang nahisgutang mga pamilya gikunsidera nga well-known Dabawenyos karon kay tungod nila nahimugso ang Davao City sa daan nga tawag nga Davoh kun “beyond the high grounds”. Opisyal nahimong siyudad kun sa Chartered City ang Davao human gilagdaan ni kanhi Commonwealth President Manuel L. Quezon niadtong October 16, 1939. Ang Davao City nahimong Provincial Capital sa United Davao Province ug usa sa duha ka munisipalidad sa Mindanao nga nahimong siyudad uban sa Zamboanga City. Matud ni Galay, nahimugso ang “Araw ng Dabaw” tungod sa kanhing mayor nga si Elias Lopez kinsa sakop sa Bagobo Tribe niadtong tuig 1960 diin 81 anyos na karon ginasaulog sa mga Dabawenyo kining maong katukuran. Giingon ni Galay nga kung hisgutanan ang ekonomiya ug kalamboan ang Davao City dili na ulahi ug mabintahaan kay ang atong dakbayan usa na sa pinakadato nga siyudad sunod sa Makati, Quezon, ug Cebu. Nagtuo usab si Galay nga kun aduna ma’y ikapasigarbo ang atong siyudad sa ubang mga lugar kini mao ang pagkadisiplinado natong mga Dabawenyo diha sa pagsunod sa mga ordinansa sa dakbayan. RadyoMaN Joel Viray tags: dxdc 621 davao

Facebook Comments