Ubay ubay na sa akoang mga friends nga miyembro sa Cebu-based media ang nakabisita na sa maong giatangan nga Cebu Safari and Adventure Park nga nahimutang sa lungsod sa Carmen, Cebu. First ever gyud ni sa tibuok Sugbo. Na-feature napud ni sa mga sikat nga travel pages sama sa Queen City of the South FB Page.
Ang maong Cebu Safari and Adventure Park usa ka 170-hectare property kun diin puy-anan ni sa mga makapa-wow gyud nga wildlife, ug suma pa sa report sa FB page sa Zee Lifestyle Magazine nga daghan pa diay nga surpresa ang hatud sa bag-ong attraction sa Cebu.
Sa pagkakaron, advance bookings ang inyong kinahanglan para makasinati sa maong “wild” dinhi sa Sugbo. Ang maong park nahimutang sa may northern part sa Cebu. Mga usa ka oras kapin nga land trip gikan sa siyudad. Gikan Fridays hangtud Sundays pa pud ni open sa public.
Dili lang safari animals ang atangan sa maong park kun dili ang mga rides pud ug ang super long zipline. Peru need pa ang gamayng patience idol kay summer pa karong tuiga ma-fully functional kini.
Ikaw idol, excited na ba ka magpapicture kauban ang mga tigers, zebra, giraffe, crocodiles ug uban pang wild animals? Kinsa pud ang ganahan nimu makauban mobisita didto idol?
Photos grabbed from the official FB page of the Zee Lifestyle Magazine.
