General Santos City–padayon ang gihimong imbistigasyon sa Police Station 1 kalabutan sa nahitabong pagpamusil patay sa kanhing priso nga si Michael Soria, hingkod nag panuigon ug residenti sa Purok 1, Dagohoy Paradise, Barangay North Gensan ala 1:00 pasado ang takna sa hapon kagahapong adlawa.
Sumala ni Police Sr. Inspector Reynaldo De Armas, Deputy Station Commander sa Police Station 1 nga basi sa ilang inisyal nga imbistigasyon, bag-uhay lang gyud gawas sa prisohan ang biktima dihang kini gipusil.
Duha matud pa ka mga suspek nga sakay sa duha usab ka motorsiklo maoy responsabli sa krimen. nasayran nga una nang napriso ang biktima gumikan sa kaso niini kawat.
Gibutyag usab ni Evelyn Beltran, kapuyo sa biktima nga lima ka tuig nga napriso si Michael sa Lanton Reformatory Center gumikan sa kasong kawat.
bag-uhay pa gyud nga niabot ang nahisgutan sa ilang balay ug mao pay pagbutang niini sa iyang dala dihang miabot ang mga suspek. iyang gilili ug didto na kini gipusil pila ka higayon nga hinungdan sa iyang kamatayon.
Giangkon sa ginang nga naggamitan ug droga ang iyang kapuyo ug nalambigit usab kini sa kasong kawat apan kini nabag-o na human nga napriso.
