Gikunpirma ni ICPO Spokesperson Police Chief Inspector Jovanie Cabusas nga dili pa fully operated ang unom ka mga bag-ong sakyanan sa kapulisan nga gidonar sa kagamhanang lokal.
Adunay pipila ka higayon nga nagamit na kini apan sa pagkakaron pabilin pa kining anaa sulod sa iligan city police office sa barangay Tipanoy.
Posibleng sa umaabot nga mga adlaw sumala ni Cabusas magamit ra ang maong mga sakyanan ilabi na kay aduna kini dala nga machine guns.
Gani, laraw nilang sa matag gabii ipatrolya ang nasangpit nga mga sakyanan isip dugang abag aron magbantay sa seguridad sa katawhan sa dakbayan sa iligan. (photo from the LGU)
Facebook Comments
