Pagadian City – Gitudlo ni Pope Francis si Fr. Ronald Lunas isip bag-ong Obispo sa Diocese of Pagadian ning probinsya sa Zamboanga del sur.
Si Fr. Lunas, mao ang padre kora sa St. Joseph the Worker Parish sa Sta. Cruz, Davao Del Sur diin siya na maoy mamahimong sumusunod ni Redemptorist Bishop Emmanuel Cabajar, nga sa edad nga 76 gidawat ni Pope Francis ang resignation niini.
Ang appointment ug retirement gianunsyo alas 12:00 kagahapon didto sa Roma ug alas 7:00 kagabii bugti sa atong oras sa Pilipinas.
Ang bag-ong gitudlo nga obispo natawo sa Bala, Magsaysay sa Diocese sa Digos niadtong Novembre 27, 1966.
Dihang nitapos sa iyang kurso nga pilosopiya sa Francis Xavier College Seminary sa Davao City mipadayon kini pagtoon sa teolohiya sa St. Francis Regional Major Seminary sa maong syudad.
Na-ordenahan si Fr. Lunas isip hingpit nga pari didto sa Digos niadtong April 7, 1992 ug unang assignment ang parokya sa Immaculate Conception sa Caburan.
Photo Credit to CBCP News
