Hingpit nga mahinayon karong Hunyo 30 tuig 2020 ang pag phase out sa mga jeep nga nag biyahian sa tibuok nasud.
Matud ni Dir. Aminodin Guro, sa LTFRB Region 10 nga hinay-hinay ang pagpatuman sa modernization program sa gobyerno gumikan sa kakulang sa supply sa modernong sakyanan sa nasud.
Nasayran nga sa tibuok nasud manginahanglan og 200,000 nga mga modernong sakyanan apan 2 mil lamang niini ang supply.
Hinungdan nga lauman nga pag abot sa June 2020, aduna pa gihapoy makita nga mga mamasahero ng jeep tungod kay tugutan sa LTFRB nga ma extend ang ilang franchise, kung mupasar sila sa Motor Vehicle Inspection System sa Land Transportation Office.
Kini gumikan kay dili buot sa LTFRB nga mag suffer ang riding public panahon nga ipatuman ang modernization program apan adunay kakulangon sa ihap sa mga modernong sakyanan nga mubiyahe.
Karong December 11, ilusad usab ang bag-ong rota gikan sa Puerto, Bugo padulong sa 7 seas sa Igpit Opol, agi sa Coastal Road.
Nasayran nga 15 ka mga modernong puv ang magamit padulong sa Igpit Opol, ubos sa Oro Transport Service Cooperative, kinsa maoy unang na releasan sa financing sa bangko.
Samtang, mahimo na nga 10 pesos ang pletehan sa modernong puv, gikan sa kasamtangang 7.50 matag unang 4 ka kilometro.
