Gindakop sang iya sini kabaro ang isa ka bagito nga pulis alas 9:00 sang nagligad nga aga sa Sitio Lugan, Barangay Poblacion, Lake Sebu, South Cotabato sa gintingob nga pwersa sang T’boli MPS kag Lake Sebu MPS matapos panaugan sang warrant of arrest ni Hon Judge Marie Ellengrid Baliguat sang MTCC Branch, syudad sang Heneral Santos sa kaso nga Falsification by private individuals (article 172 in relation to article 171 (4) sang revised penal code) sa idalom sang criminal case number 55190-1.
Ginkilala ni PCI Ramil Villagracia, Hepe sang T’Boli MPS ang suspek kay PO1 Robert John Porras Lugan, 27-anyos, soltero residente sang nasambit nga lugar.
Kaangot sini, ginpahayag ni Villgracia nga ginaaligar nga ginmaniobra suno pa sang suspek ang iya sini eligibility matapos gin-usisa ang iya sini record angot sa lisensya niya sa criminology.
Dugang pa niya, under training pa ang suspek sa Public safety basic course sang Police Regional Headquarters sa syudad sang Heneral Santos bangud bag-o pa ang ini recruit. *
Bagito nga pulis gindakop sang iya kabaro bangud sa pagmaniobra sang iya dokumento.
Facebook Comments
