Padayon ang pahanumdom sang alkalde sang Bago City sa ila mga residente nga sundon gid ang mga health measures nga ginapatuman sang gobyerno agud matapna ang paglapta sang coronavirus matapos nakarekord sang ikaduha nila nga COVID-19 casualty.
Sa interview sang DYHB kay Mayor Nicholas Yulo, ginpanugyanan sini ang ila mga residente nga indi pagkalimtan ang simple nga health measures kaangay sang pagpanghinaw sang kamot, pagsuksok sang face masks kag social distancing ilabi pa nga kumpirmado naman sa ila ang local transmission sang virus.
Apang suno sa alkalde, halos 90 porsyento sang kumpirmado nga COVID-19 cases sa Bago amo ang mga locally-stranded individuals kag returning OFWS kag ini ang mga naka-facility quarantine.
Samtang, nagakasubo si Mayor Yulo sa pamilya sang ikaduha nga casualty sang ciudad nga isa ka 49-anyos nga babaye nga residente sang Proper North, Barangay Taloc. Siya ang asawa sang call center agent nga naga-obra sa Panasiatic Solutions sa Bacolod City.
Nahibaluan nga may co-morbidity ang pasyente bangud isa ini ka diabetic.Gin-swab tests naman ang bana sang biktima kag duha nila ka kabataan nga lunsay mga asymptomatic naman.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
