BANGA SOUTH COTABATO – Makaluluoy ang kahimtang sa bag-ong himugso nga batang babaye human gibilin sa inahan likod sa sakyanan sa mag-asawa nga taga Banga probinsya sa South Cotabato.
Matod kay Venus Montano, Municipal Social Welfare Officer sa Banga usa ka himsog nga batang babaye ang gibilin sa kaugalingon niyang inahan nga giputos og lampin.
Nakit-an na lang sa wala una gihinganlan nga magtiayon ang bata sa likod sa ilang sakyanan dihang niabot sila sa ilang panimalay gikan og byahe sa Koronadal City.
Nakuratan ang magtiayon og wala nila damha nga may masuso nga gibilin sa ilang sakyanan nga nakakabit pa ang umbilical cord.
Gumikan sa kabalaka gidala gilayon sa magtiayon ang bag-ong himugso na bata ngadto sa health center aron madapatan og atensyon medikal.
Ang magtiayon na sad ang nipalit og gatas sa bata og kasamtangan nga giamuma human walay bakante ang lying in sa munisipyo.
Girekomenda sa social welfare ngadto sa magtiayon nga itugyan una nila ang bata ngadto sa center aron didto kini maatiman.
Nagpahigayon na sad og imbestigasyon ang kapolisan aron mailhan ang ginikanan niini.
For more info’s and updates, like and share our official facebook account : www.facebook.com/ifm91.9Gensanofficial/
