Pagasa- Ang Caraga maka angkon sa mabagyohon nga panahon tungod sa TS Basyang. Samtang ang Davao Oriental, Davao del Norte, Camiguin, Misamis Oriental, ug Bukidnon makasinati ug pag-ulan ug paghuros sa hangin tungod sa TS Basyang.
Sa ubang dapit sa Mindanao maka angkon sa mapanganuron nga kalangitan inubanan sa katag-katag nga pag ulan kilat ug pagpanalugdog tugod sa Trough sa TS Basyang.
Adunay kasarangan ngadto na sa kusog nga hangin ang magagikan sa amihanang silangan direksyon. Ang kadagatan, kasarangan ngadto na sa dagko ang pagbalud.
Ang Tropical Storm nga Basyang ( International name nga Sanba) ang nagpabilin sa iyahang direksyon nga west-northwest og posibleng moagi sa mga lugar nga sakop sa northeastern Mindanao karong buntag.
Sumala pa sa latest update sa Pagasa karong adlawa ( alas 2 sa buntag) si Basyang ang anaa sa 240 kilometros sa may east-southeast sa Hinatuan Surigao del Sur, og nagpabilin sa iyahang kakusog nga moabot sa 65 kilometros kada oras, og ang bwelo sa hangin ( gustiness) nga moabot sa 80 kph.
