NEGROS OCCIDENTAL – Nagdangat sa kapin P8 milyones pesos ang kahalitan nga ginbilin ni Bagyo Basyang sa bahin sang pananum sa pila ka parte sang probinsya sang Negros Occidental.
Base sa record sang Office of the Provincial Agriculturist, lakip sa mga apektado sang nag-agi nga si Bagyo Basyang amo ang talamnan sang humay sa Bago City nga naglab-ot sa kapin P4.25 milyones pesos nga crop losses.
Samtang, kapin naman sa 400 ka hektarya sang humayan ang apektado sang bagyo sa 19 tanan ka barangay sa syudad sang Bago City.
Lakip naman sa mga LGUs nga may na-record nga crop damage amo ang ciudad sang San Carlos, La Carlota City, Moises Padilla, Cadiz City, kag banwa sang EB Magalona./In photo: Inolingan Moises Padilla by Moises Padilla LDRRMO during Typhoon Basyang in Negros
