Sa latest update sa PAGASA, signal # 2 na ang Surigao del Sur ug laing 13 ka mga areas ang under signal # 1. Naapil na gane ang probinsiya sa Bohol ug ubang parte sa Leyte. Tungo ni kay mi intensify na ang bagyo. Gikan tropical depression nga category kay usa na ni ka tropical storm.
Suma pa sa PAGASA nga naay posibilidad nga moigo ang bagyong Vinta sa habagatang bahin sa Cebu inig Friday sa hapon, December 22.
Sa pagkusog na sa maong bagyo, nagdeklara napud ang Philippine Coast Guard sa mga apektado nga areas og cancellation sa mga biyahe sa kadagatan especially katong padung o gikan Mindanao. Unya nagpagawas na gane og official statement kagabii ang City Government of Davao nga magsuspend sila sa ilang klase karong adlawa.
Dinhi pud sa Sugbo dugay nang giisa sa provincial government ang “State of Preparedness” human sa “State of Calamity” nga gideklara sa may amihanang bahin sa Cebu tungod sa kadaot nga gibiyaan sa bagyong “Urduja”.
Ang atoang pag-ampo alang sa mga apektadong lugar. Pag-ampo pud alang sa Sugbo ug tanang hingtudan na mga agencies alang sa ilang duties atol sa pagsud ni “Vinta” sa nasud.
Ikaw idol, unsa kahay maayong buhaton kun ugaling bagyohon gyud ang mga adlaw before ang Christmas?
