BACOLOD CITY – Kapin 277 ka mga pamilya ang naapektuhan sang tuman nga baha kahapon sang hapon tubtob mag gab-i sa madamo nga bahin sang ciudad sang Bacolod.
Base sa record sang City Disaster Risk Reduction Management Office – CDRRMO kag sang Department of Social Services and Development – DSSD 50 ka mga balay ang totally destructed kag 35 naman ang partially damage.
Suno sa CDRRMO nga ang 277 ka pamilya nga nagpadulong sa evacuation centers sa Brgy. Taculing, Brgy. 40, 27 kag 39 subong man sa Purok Paglaum kag sa St. Joseph Parish.
Ginpahayag ni CDRRMO Head Dondon Parandas nga nagdangat sa 2 meters ang kataason sang baha particular na sa Brgy. Singcang-Airport.
Angut sini, gilayon nga naglibot sa mga affected barangays ang mga city officials sa pagpanguna ni Mayor Evelio ‘Bing’ Leonardia kag Congressman Greg Gasataya.
Pahayag ni Gasataya nga magahimo siya sang recommendation sa Department of Public Works and Highways (DPWH) paagi kay District Engineer Abraham Villareal para matadlong ang pila ka mga kakulangan sang gobyerno sa drainage system kag floodway project./dyHB BACOLOD
