General Santos City–Kanunay ang bahad sa seguridad sa Gensan Reformatory Center hilabina nga adunay mga high risk inmates nga mga miyembro sa local threat group nga naga-lihukan sa Mindanao ang napriso sulod sa City Jail.
Pamahayag ni Jail Superintendent Peter Bongngat, Jail Warden sa Gensan City Reformatory Center, nga bisan ug wala silay mga nadawat nga bahad gikan sa managlahing grupo, kanunay sila nga nagapangandam tungod makapilang higayon na nga adunay mga high risk inmates ang gi-rescue sulod sa ilahang pasilidad.
Busa sa karon, mas ginapahugtan nila ang pagbantay sa seguridad sa Jail Facility ug dakong tabang ang pagbutang sa Regional Training Center sa kilid nga bahin sa maong pasilidad gumikan nag-silbi matud pa kining back-up kanila.(LVR)
