Santiago City, Isabela- Nilooban at ninakawan ng hindi pa matukoy na mga suspek ang bahay ng isang Asst. Manager ng Mall kahapon, Marso 6, 2018 sa Brgy. Plaridel, Santiago City, Isabela.
Ang biktima ay kinilalang si Cielito Velasquez, 37 anyos, may asawa, isang Assistant Branch Manager ng Mall at residente ng naturang barangay.
Batay sa inisyal na imbestigasyon ng PNP Station 2 Santiago City, umalis ng bandang umaga mula sa kanyang bahay si Velasquez kasama ang kanyang anak nang malaman at maabutan kinahapunan ng anak ni Velasquez na sira na at bukas ang kanilang pintuan na nagsilbing lagusan ng mga magnanakaw.
Napag-alaman ng may-ari ng bahay na natangay ng mga suspek ang isang 42 inches Panasonic TV, Samsung Galaxy Tab E, gold plated wrist watch, gold at silver na hikaw at dalawang Laptop.
Patuloy naman sa isinasagawang imbestigasyon ang tanggapan ng pulisya upang matukoy ang mga suspek sa panloloob at pagnanakaw.
