LA CASTELLANA – Nagpadulong si Mayor Rhumyla Nicor Mangilimutan sa pungsod Germany kahapon sang hapon upod sa mga dancers sang Bailes De Luces agud nga ipakita ang katahom sang saot kag nanari sari nga duag sang suga sa mga bayo kag props nga ginasuksok sini.
Isa ang banwa sang La Castellana nga gin imbitar sa international tourism event nga hiwaton sumugod Marso 7 tubtob 11 sa Berlin, Germany.
Ginpahayag ni Mayor Mangilimutan nga daku ang iya kalipay bangud indi lamang diri sa Pilipinas nakilal-an ang iya banwa, kag isa ka dungog para sa mga pumuluyo nga mapakita sa international nga level ang Bailes De Luces.
Nagpasalamat naman ang alkalde sa bulig kag suporta ni Gobernador Alfredo Marañon Jr. agud matigayon ang ila paglakat./Grace Supe
Facebook Comments
