General Santos City— Extended hangtud sa Disyembre 4 ang pagpahigayon ug bakuna batok sa tipdas ug rubella sa rehiyon 12. Sumala kang Arjohn Gangoso, Spokesperson sa Department of Health Regional Office-12 kini ang uwaheng mandato sa DOH Central office.
Nasayran nga hangtud lang unta kagahapong adlawa, Noyembre 25 ang naunang petsa sa pagbakuna, apan gumikan aduna pay mga lugar sa tibuok nasud ang wala pa nakab-ot ang 95% nga datus nga angayang bakunahan ang mga kabataan, rason nga gilugwayan ang maong programa.
Positibo usab ang DOH-12 nga sa Disyembre 4, makab-ot na nila ang 95% nga mga bata nga mabakunahan. Samtang sa Region 12, anaa na sa 85. 71% ang mga kabataan ang nabakunahan sa rubella-measles gikan Oktubre 26, 2020 ngadto na Nobyembre 24, 2020.
Sumala kang Arjohn Gangoso, Spokesperson sa Department of Health Regional Office-12 ang may pinakadaghan mao ang probinsya sa Sarangani nga anaa sa 95. 47%, gisundan sa South Cotabato nga anaa sa 92. 62%, Sultan Kudarat nga may 87. 67%, Cotabato City nga may 82. 87%, General Santos City nga may 80. 57% ug ang North Cotabato nga may 79.22%. Target matud pa nila nga mabakunahan ang mokabat sa 463, 675 ka mga kabataan nga may edad siyam kabulan ngadto na singko anyos sa tibuok Rehiyon-12. (LVR)
