MASS RESIGNATION
Nangresign ang mga membro sa Police Auxillary
Ngano unsay rason palihug intawon ako sultihi?
Davao City Police Office ayaw ninyo baya talikdi
Ayuda kamo sa mga pulis aron ang syudad safety.
Kaingon naku ug miboluntaryo kamong tanan?
Nagdawatan diay kamo sa lokal nga kagamhanan
Tinuod kaha sa honorarium kamo gigamyan?
Pastilan mao diay kana ang dakong hinungdan?
Dugay pa gyud ang pag realese sa honorarium?
Gidaman na og pinaabot kandidatong uromon
Labing maayo kuno ang pag tender ug resignation
Dili lalim mo-duty unya ang dughan nakunsimisyon.
Pun-an pa sa pressure sa ilang tagsa ka mga asawa
Maayo unta kuno ug walay gibuhi nga mga pamilya
Kahimtang pait pas panyawan kuno mga kasama
Kanunay intawon ang hingbuthan si Mayor Sara.
Apan wala mabalaka ang lokal nga kagamhanan
Kun dunay muresign automatic dayong pulihan
Unom ka libo ka pesos nga madawat kada bulan
Karong tuiga dili pa gayud kini mapa umentuhan.
RadyoMan Erin Lumosbog
