Roxas City, Capiz- Pila ka mga hepe sang kapulisan sa kabanwahanan ang ginpangrelieve kag ginbuslan sang iban nga chief of police. Ini matapos nga ang iban sa ila ang nagpaidalom sa career advancement training.
Ginkumpirmar ni CPPO Provincial Director Senior Supt. Samuel nacion nga si Police Chief Inspector Maichael Jhon Glorial amo na ang bag-o nga hepe sang Sigma Municipal Police Station.
Si Police Senior Inspector Rommel Valeen delos Santos nga halin sa Cuartero PNP ang ginbutang sa Maayon PNP.
Si Police Inspector Gerome Manahan sang President Roxas PNP nga nag-schooling ang gintal-osan ni PSI Fernando Clavaton nga halin sa Roxas City PNP.
Sa subong suno kay Nacion, wala pa sang hepe sang kapulisan nga makabig overstaying ukon masobra sa duha ka tuig nga nagatener sa isa ka police station.
Samtang ginalauman sini nga mahimo nga madugangan pa ang numero sang ginpangrelieve nga mga hepe kun ang iban sa mga ini ang mag-apply para sa career advancement training.
